Արևային կայան Մարալիկի թելերի գործարանում

Մարալիկի թելերի գործարանում ԷկոՎիլը իրականացրեց խոշոր էներգետիկ նախագիծ՝ տեղադրելով 1091 կՎտ հզորությամբ արևային կայան։ Կայանը տարեկան արտադրում է շուրջ 1,7 միլիոն կիլովատտ ժամ մաքուր էլեկտրաէներգիա, որը լիարժեք ապահովում է արտադրության պահանջները։

Այս նախագծի շնորհիվ գործարանը ոչ միայն խնայում է տարեկան շուրջ 80 միլիոն դրամ, այլև դառնում է ավելի մրցունակ՝ նվազեցնելով արտադրական ծախսերը և ներդնելով այդ միջոցները զարգացման մեջ։

Արևային կայանը նաև կարևոր բնապահպանական ազդեցություն ունի․ մթնոլորտ չի արտանետվում տարեկան մոտ 873 տոննա ածխաթթու գազ, ինչը համարժեք է հազարավոր ծառերի կողմից մթնոլորտից կլանված ածխածնի քանակին։ Սա կարևոր ներդրում է Հայաստանի կանաչ էներգետիկ ապագայի կերտման և շրջակա միջավայրի պահպանության գործում։