Արևային կայան Հայանիստի ձկնաբուծարանի համար

Արևային էլեկտրակայանը, որը կառուցվել է Հայանիստի ձկնաբուծարանի համար, ԷկոՎիլ ընկերության կարևոր էներգետիկ նախագծերից է։ Նախագիծը իրականացվել է մեր գործընկեր Armswissbank CJSC-ի ֆինանսավորման և աջակցությամբ, ինչն ապահովել է աշխատանքների կայուն և արդյունավետ իրականացումը։

Այս արևային կայանը մեծացնում է ձկնաբուծարանի էներգետիկ ինքնաբավությունը․ արտադրության համար անհրաժեշտ էլեկտրաէներգիայի զգալի մասը ստացվում է հենց արևային համակարգից։ Դա օգնում է նվազեցնել կախվածությունը արտաքին մատակարարներից և կայունացնել էներգետիկ ծախսերը՝ միաժամանակ նվազեցնելով բացասական ազդեցությունը շրջակա միջավայրի վրա։

800 կՎտ դրվածքային հզորությամբ արևային կայանը ապահովում է տարեկան մինչև 640 տոննա CO₂ արտանետման նվազում և մինչև 57,600,000 դրամ խնայողություն։

Նախագիծը նաև ցույց է տալիս ԷկոՎիլ թիմի պրոֆեսիոնալ մոտեցումը և պատասխանատու աշխատանքի մշակույթը։ Կիրառված ինժեներական լուծումներն ու տեխնոլոգիաները ուղղված են ոչ միայն տվյալ օբյեկտի արդյունավետ շահագործմանը, այլ նաև ապագայում նոր, ավելի խոշոր և արդյունավետ նախագծերի իրականացմանը՝ հիմք ստեղծելով Հայաստանիում կանաչ էներգիայի զարգացման համար։