Հայաստանի վերականգնվող էներգետիկայի և էներգախնայողության հիմնադրամը ստեղծվել է 2005 թվականին՝ ՀՀ կառավարության ապրիլի 28-ի N 799-Ն որոշմամբ: ՀՎԷԷ հիմնադրամը ինքնուրույն իրավաբանական անձ է, հիմնադրի կամավոր գույքային վճարների հիման վրա ստեղծված և անդամություն չունեցող, ոչ առևտրային, շահույթ ստանալու նպատակ չհետապնդող կազմակերպություն է և գործում է անժամկետ:

ՀՎԷԷ հիմնադրամը վերականգնվող էներգետիկայի և էներգախնայողության ոլորտների զարգացման միջավայր ձևավորող պետական կառույց է, որը կայուն էներգետիկայի լավագույն փորձառությունն է ներդնում Հայաստանի էներգետիկ անվտանգության և անկախության ապահովման ու տնտեսական աճին նպաստելու համար:

Պաշտոնական կայք՝ www.r2e2.am

Հայաստանում ամերիկյան առևտրի պալատը (AmCham) լիովին անկախ և ինքնաֆինանսավորվող բիզնես ասոցիացիա է: AmCham-ը սերտորեն համագործակցում է Հայաստանում ամերիկյան դեսպանատան հետ, որը ի պաշտոնե տնօրենների խորհրդի անդամ է: Այնուամենայնիվ AmCham-ը ֆինանսապես չի աջակցվում և չի վերահսկվում Հայաստանում ամերիկյան դեսպանատան կողմից։

Հայաստանում Ամերիկայի առևտրի պալատը առաջատար բիզնես ասոցիացիան է, որն ունի 140+ անդամ բիզնեսի բոլոր սեգմենտներից: AmCham-ը Հայաստանում գործում է 2000 թվականից:

2016 թվականին ԷկոՎիլ արևային տեխնոլոգիանրի ընկերությունը համալրեց Հայաստանում ամերիկյան առևտրի պալատի անդամների շարքը:

Պաշտոնական կայք՝  www.amcham.am

Հայաստանը ՄԱԿ-ին անդամակցել է 1992 թ. մարտի 2-ին, և նույն տարվա դեկտեմբերին Երևանում հիմնվել է ՄԱԿ-ի գրասենյակը: Այդ ժամանակից ի վեր՝ Հայաստանը ստորագրել և վավերացրել է միջազգային մի շարք պայմանագրեր:

Հայաստանում ՄԱԿ-ի աշխատանքը ծառայում է 2030 Օրակարգի իրագործմանը և երկրի մակարդակով ռազմավարականորեն առաջնորդվում է «Հայաստանի համար ՄԱԿ-ի Կայուն զարգացման գործընկերության 2021-2025 թվականների շրջանակ» փաստաթղթով (Գործընկերության շրջանակ): Գործընկերության շրջանակը երկրի մակարդակով զարգացման գործողությունների ծրագրման և իրականացման հիմնական շրջանակն է: Որպես այդպիսին, այն արտահայտում է ՄԱԿ-ի հավաքական առաջարկը՝ աջակցելու Հայաստանին կայուն զարգացման առանցքային նպատակներին (ԿԶՆ) և զարգացման ազգային առաջնահերթություններին հասնելու գործում։

ԷկոՎիլ արևային տեխնոլոգիաների ընկերությունը մասնակցում է ՄԱԿ-ի կողմից իրականացվող զարգացման և էներգախնայողությանն ուղղված ծրագրերին:

Պաշտոնական կայք՝ www.armenia.un.org

Վորլդ Վիժնը ծառայում է աշխարհի 100-ից ավել երկրներում՝ նպաստելով միլիոնավոր երեխաների և նրանց ընտանիքների բարեկեցությանը։

Վորլդ Վիժնը Հայաստանում իր գործունեությունն սկսեց 1988 թվականի ավերիչ երկրաշարժից հետո՝ տրամադրելով հումանիտար աջակցություն։ Ապա մարդասիրական օգնությանը զուգահեռ Վորլդ Վիժնը սկսեց իրականացնել արդեն զարգացման ծրագրեր

ԷկոՎիլ արևային տեխնոլոգիաների ընկերությունը մասնակցում է World Vision-ի կողմից իրականացվող սոցիալական և աջակցման ծրագրերին, որի շրջանակներում տեղադրվել են ջերմային և արևային կայանների դպրոցների, մանկատների և այլ համայնքային կառույցների համար:

Պաշտոնական կայք՝ www.wvi.org/armenia

Հիմնադրվելով 1992 թվականին՝ «Հայաստան» համահայկական հիմնադրամը եզակի մի կառույց է, որի նպատակն է ստեղծել համահայկական ցանց, աջակցել Հայաստանին և աշխարհի հայերին և իրականացնել Հայաստանի և Արցախի կայուն ու համաչափ զարգացումը ապահովող ծրագրեր։

Հիմնադրման օրվանից ի վեր՝ «Հայաստան» համահայկական հիմնադրամը Հայաստանում և Արցախում իրականացրել է շուրջ 1300 խոշոր ծրագիր ենթակառուցվածքների, առողջապահության, սոցիալական ապահովության, արվեստի և սպորտի բնագավառներում։ Հիմնադրամի աշխատանքներն իրականացվում են 19 երկրներում գործող 21 տեղական մարմինների և գործընկեր կազմակերպությունների ակտիվ մասնակցության և աջակցության միջոցով։

ԷկոՎիլ արևային տեխնոլոգիաների ընկերությունը մասնակցում է «Հայաստան» համահայկական հիմնադրամի կողմից իրականացվող զարգացման և էներգախնայողության ծրագրերին, որի շրջանակներում տեղադրվել են բազմաթիվ ջերմային և արևային կայաններ:

Պաշտնական կայք՝ www.himnadram.org

Մանթաշով գործարարների միություն, միավորում է Հայաստանում և դրա սահմաններից դուրս գործուներություն ծավալող հայ գործարարներին։

«Մանթաշով» միությունը ստեղծել են 13 խոշոր գործարարներ, որոնց թվում են «Էլիտ Գրուպ»-ի, «Չոր մարքեթինգ», «Արտ Լանչի», «Գենացվալե» պանդոկի, «Բայազետ» մսամթերքի ընկերության, «ONE WAY TOUR»-ի եւ այլ բիզնեսների հիմնադիրներ։ «Մանթաշով»-ի ստեղծման գլխավոր նպատակը ոլորտի խնդիրների համար միասնական լուծումներ գտնելն է, որը կբերի գործարարության զարգացմանը։ Միության անունն անդամներն ընտրել են ի պատիվ հայ նշանավոր բարեգործ Ալեքսանդր Մանթաշովի՝ որպես հայ գործարարության խորհրդանիշի։

«Մանթաշով գործարարների միություն»-ը բիզնես միություն է, որի առաջնային նպատակներն են. Բարձրացնել ձեռներեցների ու ձեռներեցության վարկանիշը։

Ֆեյսբուքյան էջ՝ www.facebook.com/mantashoveu