Գլխավոր
ԷկոՎիլ
«Էկոանկյունը» շարունակվում է Գործարար ալիքի եթերում

«Էկոանկյունը» շարունակվում է Գործարար ալիքի եթերում

October 10, 2023 | ԷկոՎիլ

Էկո անկյուն, Գործարար ալիքի ռադիոյի եթերում

Արևային էլեկտրակայանները ավելացնում են իրենց հասցեները: Հետաքրքիր և հուսադրող է այն, որ ոլորտին ուշադրություն են դարձնում ոչ միայն ֆիզիկական անձինք, այլ նաև բիզնեսները: Սա վստահաբար գոհացնող այլընտրանք է: Էներգետիկ բացերը լրացնելու այս միտումը խոստանում է ավելի լավ վաղվա օր: Իհարկե խոչընդոտները կան, բայց դրանք ավելի են մոտիվացնում և օգնում շարժվել դեպի առաջ:

Արևային տեխնոլոգիաների տեղադրման աճը մեծանում է, գինը՝ ոչ. «Էկոանկյուն»։ «Էկոանկյուն» հաղորդման նոր եթերաշրջանի առաջին թողարկումը։

Հայ հասարակության մոտ ձևավորված որոշակի մտածողությունը խանգարում է արագ ընդունել փոփոխությունները: Դա սկսել է մեզ վնասել, քանի որ նորարությունը թելադրում է իր հետ համաչափ քայլ: Խնդիրը այնտեղ է, որ մարդիկ չունեն վստահության բազա, սակայն սա ժամանակի խնդիր է: Բայց վստահաբար 8 տարվա ջանքը իզուր չի անցնելու, և մենք այլև այլընտրանք դիտարկելու ենք արևայինը:

Հայաստանը շատ շուտով կորդեգրի «արևային անկախության» ճանապարհը. «Էկոանկյուն»

Էկոանկյուն» հաղորդաշարի երկրորդ թողարկմանը Կարեն Գրիգորյանը հյուրընկալել է ճարտարապետ և ինտերիեր դիզայներ Միքայել Կարսյանին: Մասնագետն անդրադարձել է Էկոշինարարությանը, արևային կայանների կիրառմանը ճարտարապետության մեջ, ինչպես նաև վերականգնվող էներգիայի կարևորությանը:

Անցումը էկո-կյանքին ենթադրում է շերտային և փուլային փոփոխություն: Էկովիլ հաղորդաշարի հերթական հյուրը ոչ միայն զբաղվում է թելերի էկո արտադրությամբ, այլ նաև փորձում է խնայել ու բնությանը «լավություն անել»: Արևային կայանի տեղադրումը դրա լավագույն լուծումն է: Խնդիրները քիչ կլինեն, եթե գտնես վստահելի ընկերություն, որը հնարավորինս պատասխանատու և պատրաստակամ է սպասարկման հարցում:

Բնությունը սիրելով մարդը իր մեջ ամփոփում է համամարդկային գաղափարները: Բայց սովորել սիրել կարող ենք միայն օրինակով: Հրաչուհի Միրզոյանը, ով ոլորտի փորձագետ է, վստահ է, որ սեփական օրինակն ամենալավ աշխատող մեթոդներից է: Անցումը էներգախնայող սարքավորումներին պետք է առաջնահերթություն դառնա յուրաքանչյուր ընտանիքի համար: Հաջորդը աղբի տեսակավորումն է, բայց մենք դեռևս թերանում ենք. չկան համապատասխան գործարաններ, հետևաբար այս գործընթացը հաճախ դառնում է անիմաստ գործ:

Էկո կրթությունն ու իրազեկումը վերջին տարիներին բազմաթիվ փոփոխությունների են ենթարկվել: Մարդիկ ինֆորմացված են, տեղեկատվությունը հասանելի, հետևաբար առաջընթաց է գրանցվում: Իհարկե, եթե խոսենք օրինակ աղբի տեսակավորման մասին, ապա դեռևս չենք հասել այդ գիտակցությանը: Սրա համար պետք է ստեղծվի համապատասխան միջավայր, գործարաններ: Յուրաքանչյուր տուն պիտի դառնա աղբի տեսակավորման մշակույթի կրող, ինչը դեռևս չի հաջողվում իրականացնել:

Ապրանքի սպառում և վերջ: Հայաստանը շարունակում է մնալ գծային այն քաղաքականության մեջ, որը չի ենթադրում թափոնների լիարժեք վերամշակում: Այս ամենի արդյունքում ջերմոցային գազերի արտանետումը բավականին խնդիրներ է առաջացնում, որի համար զգալի լուծում կարող է ապահովել հենց այլընտրանքային էներգիայ: Այստեղ մեծ կարևորություն ունի իրազեկումը, որը շղթայի լիարժեքության կարևոր բաղադրիչն է:

Արվեստ-բնություն կապը ժամանակի ընթացքում փոփոխության չի ենթարկվել, նույնիսկ թվային արվեստում: Կա մարդ, որը գալիս է հենց բնությունից: Այստեղ կա ձգտում ամեն ինչ ստեղծել մարդու համար, ինչը պատճառահետևանքային կապով ապացուցում է` ուրեմն նաև բնության համար: